La fascinaziun per il glatsch - Da la fascinaziun dal rampignar sin il glatsch

La fascinaziun per l'element passager

Dapi passa 10 onns preparan il guid da muntogna Marcel Schenk e ses team la chavorgia da Puntraschigna uschia, ch’il sport da rampignar sin il glatsch po vegnir fatg uschè segir sco pussaivel.

Circa a partir dal mais da november entschaivan las lavurs – uders laschan cular aua sur ils grips enfin ch'i sa sviluppan chandailas e paraids da glatsch. En tut stattan a disposiziun var 45 differentas rutas per differents nivels.

Il sport dal iceclimbing è pretensius. Sper forza e buna cundiziun – è la fermezza psichica fitg impurtanta. Il pli bel e la pli gronda fascinaziun è, ch’il sport vegn fatg sin in element passager. Là, nua che da stad sfrantuna l’aua vi da las paraids da crappa – pon las sportistas ed ils sportists passentar – da temperaturas fraidas – muments nunemblidaivels.