A Guarda è in lavurant da guad sa disgrazià mortalmain tar in accident da lavur. L'um da 35 onns era fatschentà cun sromar ina planta pinada en il territori da Spi da Nuna cura ch'el è vegnì tutgà d'ina planta ch'è cupitgada cun ragisch. Tras quai è el sa blessà grevamain. Ses collegas da lavur han dà emprim agid ed alarmà las forzas da salvament.
In'equipa da la Rega ha surpiglià la reanimaziun, l'um è dentant anc mort en il lieu. La polizia chantunala e la procura publica sclereschan las circumstanzas da l'accident.
audio
Per tadlar: las novitads da las 10:00
ord RTR Audio dals 19.06.2024.
laschar ir. Durada: 1 minuta 41 Secundas.