Pel 40avel giubileum ha la gruppa da teater Sent organisà in gieu liber. Durant duas fins d’emna e cun musica, chant e teater vegn fatg viva sin l’anniversari radund. In teater sut tschiel avert è per la gruppa da Sent ina premiera. Per il giubileum ha la reschissura, Madlaina Rauch ramassà singulas scenas dals onns passads e scrit ordlonder il nov toc «Che Capodovra!».
Gronda infrastructura, grond sforz
La represchentaziun ha lieu sin trais differents palcs cun differentas culissas, dissegnadas dals uffants da scola. Per il public è vegnida fabritgada ina tribuna cun 150 plazzas ed in tetg. La finanziaziun saja garantida tenor il president dal teater Sent, Gudench Roner, grazia divers sponsurs e donaturs ed il sustegn da la promoziun da cultura chantunala en furma d’ina garanzia da deficit.
Las proximas duas fins d’emna vegn pia festivà e giugà a teater a Sent. Las preschentaziuns èn dals 28. – 30. da zercladur e dals 4. – 7. da fanadur.
