Quest onn festivescha la Chesa Planta ses giubileum da 80 onns. La Chesa Planta è cun ses prest 500 onns ina da las pIi bellas e marcantas chasas amez Samedan.
Ella è il dachasa da la fundaziun Chesa Planta, ch'ha la mira da sustegnair e promover la cultura rumantscha cun sia purschida da curs da rumantsch, sia biblioteca, l’archiv e museum. Cun in vast program da giubileum enritgescha la fundaziun de Planta la stagiun da stad en ed enturn la Chesa Planta.
Teater «Tres Tschient Portas»
«Tres Tschient Portas» sa numna il teater ch'è ina part dal program da giubileum. Il teater è ina visita guidada tras il museum, ina guida tuttafatg insolita. In um straun ed ina dama senza vegliadetgna giran cun ils aspectaturs tras chombras misteriusas, sperasvi ad objects ed istorgias mai raquintadas.
Donat Caduff e Manfred Ferrari han scrit e sviluppà il teater durant il davos onn. La premiera dal toc è venderdi, ils 30-06 ed i suondan anc 10 represchentaziuns.