Durant trais fin d’emnas da zercladur ha lieu en Engiadina la festa chantunala da tir. Sper il maraton da skis engiadinais tutga la festa chantunala da tir tar ils pli gronds eveniments en il Grischun dal Sid. Actualmain èn s'annunziads radund 7'500 tiraduras e tiradurs.
En 15 lieus da Roveredo en la Mesolcina enfin Samignun en Engiadina Bassa han lieu ils stans da sajettar. Tratg vegn sin trais differentas distanzas, sin 300 cun la buis, 50 e 25 meters cun la pistola. Actualmain è il comité d’organisaziun vidlonder a tschertgar voluntarias e voluntaris. L'avrigl ha lura lieu l'emprim inscunter dals voluntaris nua ch’els vegnan instruids areguard la segirezza sin ils stans da sajettar.
Las occurrenzas han lieu durant 3 fin d’emnas tranter ils 14 e 30 da zercladur 2024.
