La finamira dals organisaturs dal campiunadi mundial 2017 a San Murezzan è da laschar enavos la natira uschia sco quai ch'ella era avant las cursas alpinas – gieus persistents quai era lur credo. Mintga crest, mintga fora ed aual duess vesair ora sco avant. Per accumplir quella finamira han geometers registrà il terren avant a las cursas.
Il militar fa las lavurs da grop e Jon Jachen Flura da Müstair cun sia firma fa las lavurs finas. El è responsabel che l’erva creschia sin ils prads, exactamain quell’erva ch'existiva avant il campiunadi. Per cuntanscher quella finamira han ins tratg sem spezial cun exact quellas flurs che creschian sin quell’autezza ed en quai lieu a Salastrains.
Sche tut funcziuna lura vegn ad esser la cuntrada enturn Salastrains sur San Murezzan la fin da questa stad precis uschia sco avant ils gieus.
-
Bild 1 von 4Legenda: Ina survista da Salastrains, bainprest è tut bel verd la inua che era l'arriv da las cursas mundialas RTR, G. Luzzi -
Bild 2 von 4Legenda: Il militar e il tractor da Jon Jachen Flura fan lavur da grop a Salastrains RTR, G. Luzzi
-
Bild 3 von 4Legenda: Jon Jachen Flura cun ses tractor vi dal semnar erva a Salastrains RTR, G. Luzzi
-
Bild 4 von 4Legenda: Jon Jachen Flura cun ses tractor vi dal semnar erva a Salastrains RTR, G. Luzzi
RR actualitad 17:00