E Holidaycheck.ch ha rangà l’hotel Chasa Montana a Samignun sco numer 1, il meglier hotel da la Svizra. Il directur Daniel Eisner sa legra. Dentant è el conscient che quai n’è betg il sulet criteri che vala. Perquai han auters hotels desistì da quellas valitaziuns.
In exempel e l’hotel Paradies a Ftan. La directura Meike Bambach n’è betg persvasa da questas plattafurmas en l’internet. Ils hotels ston numnadamain supplitgar ils giasts da far uschè ina valitaziun, ils giast na fan quai betg sa sasez anora.
E la reclama custa: sch’insatgi reserva sur la plattafurma ina chombra, lura sto l’hotel pajar ina cumissiun. Perquai insista Meike Bambach sin la veglia metoda, la reclama a bucca. Valitaziuns da giasts restan era vinavant in’impurtanta reclama per ils hotels.