L’interess per la versiun filmica da l’istorgia da Selina Chönz ed Alois Carigiet è grond en questa regiun, nua ch’il film è vegnì realisà durant bun in onn da producziun.
Numerus Engiadinais èn er stads da la partida sco statists u acturs da pitschnas rollas. Tant pli grond era il bunder co il product final è daventà. Las reacziuns suenter l’emprima represchentaziun a Guarda èn ordvart positivas. Plaschì ha il film d’Uorsin tant als uffants sco er als creschids. In u l’auter ha er pers ina larma durant las bun 90 minutas.
A partir dals 15 d’october è il film Uorsin da vesair en ils kinos en Svizra.
