Sco quai che Romano Romizi il president dal comité d’organisaziun ha ditg ad RTR èn ils organisaturs fitg cuntents, na sulet cun il numer da visitaders, ma er cun l’atmosfera e la qualitad da la musica. Las 7 bands han preschentà ina maschaida da New Orleans Blues sur Memphis e Nahsville fin a Chicago, tenor Romano Romizi ina survista da la musica da blues in zic auter. Er ils locals da concert eran spezials. Il venderdi saira è vegnì concertà en l’ufficina da giarsuns da scrinari a Samedan. La sonda saira en ina ufficina dad ina scrinaria e la dumengia sco finiziun è vegnì fatg musica en la baselgia. Ils artists han mussà ina messa da Blues.
RR novitads 06:00