Per la tschintgavla giada ha lieu a Samedan la Brassweek. Amaturs fin profis han la pussaivladad da prender lecziuns da musica tar docents cun renum internaziunal.
-
Bild 1 von 3Legenda: Ils scolars da Thomas Rüedi taidlan cun ureglias avertas. RTR, G. Luzzi -
Bild 2 von 3Legenda: Il docent Thomas Rüedi e ses scolars. RTR, G. Luzzi
-
Bild 3 von 3Legenda: La gruppa da Thomas Rüedi suna differents stils da musica. RTR, G. Luzzi
Thomas Rüedi – l'enconuschent eufonist
In dals numerus docents è il Svizzer Thomas Rüedi. El viagescha cun ses instrument sin tut il mund - da l'Asia fin en l'America, da l'Europa fin en l'Africa. Ina giada sco musicant en in orchester, in'autra giada sco dirigent d’ina Brass Band ed adina puspè era sco solist cun ses eufonium.
Dasper la ritmica, la dinamica, la tecnica ed auters aspects impurtants per sunar l'eufonium vul Thomas Rüedi oravant tut far buna musica. El vul animar ses scolars d'esser averts per da tuttas sorts da musica e da tadlar meglier.
La Brassweek ha lieu dals 3 fin ils 9 fanadur. En quell'emna han lieu era numerus concerts cun ils stars mundials ensemen cun ils participants.
RR actualitad 11:00