Questa saira decida la radunanza communala da Silvaplauna sche la vischnanca vul introducir ina taxa per 2. abitaziuns u betg. La prima votaziun a favur da l'imposta hai dà a Silvaplauna l'onn 2010.
Iniziativa encunter decisiun
L'onn 2014 ha decidì il tribunal federal che la taxa saja correcta. Iniziants indigens han dentant suenter inoltrà in'iniziativa per puspè abolir quella taxa.
Ussa decida la radunanza communala da Silvaplauna sch'ella vul introducir la taxa che prevesa in amunt da 2 promils da la valur dad ina abitaziun. Quai sche insatgi occupa sia abitaziun damain che 90 dis l'onn.
Augment da taxa da cura pussaivel
Sche la taxa na vegn betg acceptada da la radunanza, propona la suprastanza communala da Silvaplauna en ina proxima tractanda dad auzar la taxa da cura.