Uschia èn vegnids infurmads glindesdi saira ils geniturs ad Ardez. Scolaras e scolars dal stgalim aut da las vischnancas da Guarda ed Ardez gievan enfin ussa a Zernez a scola.
Cun la fusiun en l'Engiadina Bassa datti ussa in midament. Ils scolars da l'otg- e novavla classa pon finir lur temp da scola a Zernez. Ils scolars da la setavala classa van a partir da quest onn a Scuol a scola.
En trais onns èn lura tut ils uffants dal stgalim aut da las fracziuns da Guarda, Ardez, Ftan e Tarasp a Scuol. Per tscherts roms èsi previs da collavurar cun il stgalim aut da la scola da Sent. Areguard la scola primara na datti nagins midaments.