Cun quai resta tut sco fin ussa. Da principi. Ma i stoppia dar midaments, di il suprastant responsabel per il dossier Michael Pfäffli. La polizia communala da San Murezzan stoppia daventar anc pli fitg in organ da service public, al medem mument dentant betg laschar vegnir al a curta la segirezza.
Arguments per e cunter integraziun
3 variantas èn vegnidas preschentadas al cussegl communal. Ina integraziun parziala ni ina totala en la polizia chantunala. Ni bain che la polizia communala restia sco fin ussa. Ina integraziun avess tenor la maioritad dals cussegliers communals gieu per consequenza la perdita d'autonomia. Forsa era la perdita dal post da polizia en vischnanca e main service public. Quai saja betg giavischaivel per in lieu sco San Murezzan .
RR novitads 06:00