Nunenconuschents han colurà il november 2018 durant ina notg l’illuminaziun da la punt tranter Scuol e Vulpera. Sur enviern ha la punt splendurà en colurs d’in artg s. Martin. Ils motivs ch'il vitg n’ha anc betg pulì davent las colurs è ch’els han gì autras lavurs pli urgentas – sco per exempel rumir la naiv.
La polizia da traffic pretenda da refar
Il schaner ha il vitg retschavì il cler avis d’allontanar la colur e refar il donn. A partir da l’entschatta mars èn ussa collavuraturs dal vitg da Scuol vidlonder a pulir la colur.
Pli spert ditg che fatg
La colur na lascha betg s'allontanar uschè simpel sco previs. Ils collavuraturs emprovan cun differents liquids ed era cun diluent. Per mintga glisch dovran els passa 20 minutas ed i dat 81 glischs per lung da la punt da Scuol – Vulpera. Sche quest sistem n’avess betg da funcziunar lura prevesa il vitg da stgamiar las glischs e quai pudess custar radund 10’000 francs.
-
Bild 1 von 5Legenda: La punt colurada tranter Scuol e Vulpera RTR, Georg Luzzi -
Bild 2 von 5Legenda: La punt colurada tranter Scuol e Vulpera, ord vista da la drona RTR
-
Bild 3 von 5Legenda: La punt colurada tranter Scuol e Vulpera RTR, Georg Luzzi
-
Bild 4 von 5Legenda: La punt colurada tranter Scuol e Vulpera, ord vista da la drona RTR
-
Bild 5 von 5Legenda: La punt colurada tranter Scuol e Vulpera RTR, Georg Luzzi
RR actualitad 17:00