Cun rapportar da las cursas finalas sin il Munt da San Murezzan/Corviglia, han tant l’organisaziun sco er ils represchentants da medias, occasiun da far emprimas experientschas en vista al grond eveniment dals 6 als 19 favrer 2017.
Nov lieu per center da medias
Per las medias datti sper la purschida d’in pitschen local per lavurar sin la muntogna a Salastrains, er in center da medias en l’Hotel Reine Victoria. Fin uss era il center da medias situà en la chasa da scola entamez San Murezzan.
-
Bild 1 von 6Legenda: Il voluntari Gian Bieler en discurs cun in schurnalist RTR, A. Caprez -
Bild 2 von 6Legenda: Il center da medias dal final cup mundial da skis a San Murezzan RTR, A. Caprez
-
Bild 3 von 6Legenda: Claudia Jann e Daniel Schaltegger èn ils patruns dal center da medias a San Murezzan. RTR, A. Caprez
-
Bild 4 von 6Legenda: La responsabla per il resort medias, Claudia Jann RTR, A. Caprez
-
Bild 5 von 6Legenda: In urdegn tschertgà tanter ils schurnalist che n'han betg il medem attatg sco ils svizzers. RTR, A. Caprez
-
Bild 6 von 6Legenda: Il center da medias è situà en la sala da teater da l'Hotel Reine Victoria a San Murezzan-Bagn RTR, A. Caprez
Cun il nov lieu a San Murezzan-Bagn vuli ina buna logistica. Ils bus da shuttle han da manar la glieud fin tar l’arriv da las cursas da skis a Salastrains e puspè enavos.
Duas stgatlas plain adapters
Per porscher in servetsch cumplet als schurnalists, è l’organisaziun pronta per tut las eventualitads. Uschia datti en tuts dus centers da medias dus stgatlas cun attatgs ed adapters per gidar or en cas da mancanza. Sco ch’il schef da medias, Daniel Schaltegger ha tradì, na vegnian ils adapters pel pli betg pli returnads, malgrà il deposit ch’ins ha gì da pajar per l’adapter.