Casturs èn monogams, els vivan ina vita entira ensemen cun lur partenari. Per regla han els fin dus pitschens. Dacurt è vegnì observà in segund castur a la riva da l'En. Sa tracti qua d’in pèr?
La probabilitad è gronda, dus mastgels u duas femnas na sa cumportassan numnadamain betg. Tar l'emprim castur, observà l'emprima giada il 2008 è vegnì suspectà ch'el saja vegnì da l’Austria, per lung l’En. Co il segund castur è rivà en Engiadina Bassa n'è betg enconuschent.
Dus casturs en Engiadina Bassa
Il dachasa dal castur respectiv dals dus casturs en vischinanza da la centrala electrica Pradella è bain visibla, quel sa chattia en il flum stagnà tras la centrala electrica.
Gronds donns fan ils casturs cun stagnar l’aua e cun rusignar vi da la bostga. L’aua dal En ha in quel lieu però uschè ina gronda dinamica che ina stagnaziun nun è pussaivla. La bostga en vischinanza n’è betg bostga da fritgs empè bostga senza gronda valur. Sche in u l’auter bostg croda causa ils casturs n’è quai betg tragic – dimena in spazi ideal per viver per ils casturs en Engiadina Bassa.
Dus casturs en Engiadina Bassa
TR Telesguard 17:40