Il Chalender Ladin ha ina nova redactura: Uorschla Natalia Caprez Brülhart surpiglia la redacziun da la publicaziun annuala. Quai communitgescha l'Uniun dals Grischs via Facebook. Uorschla Natalia Caprez Brülhart è creschida a Ftan ed abitescha a Cuira. Ella ha studegià romanistica ed instruescha actualmain rumantsch a l'Institut Otalpin a Ftan.
Caprez Brüllhart surpiglia uschia l'incumbensa da Bettina Vital ch'ha redigì il Chalender Ladin ils ultims 7 onns. Il Chalender ladin cuntegna mintg'onn lavurs dad artistas ed artists professiunals, ovras dad uffants e giuvenils però era la cronica annuala.