Engiadina - Nov manader per scola da skis San Murezzan
Bruno Marinoni vegn a succeder a Franco Moro al timun da la scola da skis da San Murezzan. Mora aveva demissiunà ses post suenter 27 onns per la fin da settember sco directur da la scola da skis.
Legenda:
Bruno Marinoni surpiglia il timun da la pli gronda scola da skis en Svizra il prim da zercladur 2016.
mad
Tenor ina communicaziun dal cussegl administrativ da la Snowsports St. Moritz SA haja quel elegì Bruno Marinoni unanimamain sco CEO. L’econom da manaschi abita a Malögia e cumenza ses nov uffizi il prim da zercladur.
Franco Moro resta vinavant commember dal cussegl administrativ da la pli veglia scola da la Svizra, ch'è cun 350 magisters da skis era la pli gronda.
