Engiadina - Max e Moritz - in novum sin il lai da San Murezzan
Suenter 2 onns lavur da svilup e realisaziun ha la Seeinfra, ch'è responsabla per l'infrastructura sin il lai da San Murezzan, pudì preschentar il nov model da maschinas da pista. Igl è effectivamain ina maschina convenziunala, agiuntada cun elements da stgima che laschan nudar la maschina.
Enturn ed enturn la stgima è montada fibra da vaider. Questa impedescha donns vi dals elements ch'èn montads vi dal corp da la maschina enturn ed enturn.
Legenda:
La Seeinfra ha pudì preschentar il resultat suenter 2 onns lavur da svilup e realisaziun
RTR, V.Rominger
Sviluppà tecnicamain e realisà la maschina ha la firma Esoro AG. Tests en il lai da Turitg han confermà la lavur - la maschina è sa nudada. Quai grazia als elements montads enturn ed enturn la maschina che funcziunan en sasez sco ina boia. Mo che quai fiss en quest cas ina boia emplenida cun stgima. Sch'il material dador rumpa, na piglia la stgima si nagin'aua e la maschina resta sur aua.
