Malgrà las dispitas en l'equipa d'organisaziun partenta è stada la 48avla ediziun dal maraton in success cumplain. L'organisaziun ha ina giada dapli survegnì blers cumpliments e per la terza giada en roda èn passa 13'000 curriders sa participads. Uschia haja el lura tuttina resentì ina tscherta tristezza dumengia suenter la cursa, ha ditg Ivo Damaso.
Il nov tira il chapè
Menduri Kasper ha er persequità dumengia il maraton ed er el ha be ludà l'oranisaziun:
Quai eveniment è organisà en tuts cas fitg fitg bain.
Kasper na vesa er nagin problem da surprender il timun da l'eveniment suenter ch'i ha dà dispitas en l'equipa d'organisaziun partenta. El n'haja gi da far nagut cun tut quai e be persequita ils rapports en las medias. Uschia possia el cumenzar sainza ch'el saja stà involvà.