Suenter 6 emnas lavur intensiva, ha la Fundaziun «Cheva Plattas da Fex» pudì preschentar l’emprim resultat dal project als commembers. A la festa d’inauguraziun èn er stads preschents anteriurs lavurers da la Val Malenco ch’han passentà plirs envierns en la Val Fex.
1 / 16
Legenda:
Il tipic crap da plattas (schist) ch'ins chatta en la Val Fex.
RTR, Anna Caprez
2 / 16
Legenda:
Puspè in segn da vita en la Chava da Plattas da Fex.
RTR, Anna Caprez
3 / 16
Legenda:
Vino Vedovatti è cuntent da pudair vesair anc ina giada la Chava da plattas en la Val Fex.
RTR, Anna Caprez
4 / 16
Legenda:
La chamona Cheva da Plattas duai puspè daventar in lieu d'inscunter.
RTR, Anna Caprez
5 / 16
Legenda:
Cun gronda premura per il detagl han ins renovà la chamona da crap.
RTR, Anna Caprez
6 / 16
Legenda:
Il return suenter passa 50 onns è emoziunal, surtut per ils giasts da la Val Malenco.
RTR, Anna Caprez
7 / 16
Legenda:
Tut è bunamain uschia sco avant 100 onns.
RTR, Anna Caprez
8 / 16
Legenda:
Sche las paraids pudessan raquintar......
RTR, Anna Caprez
9 / 16
Legenda:
La tegia cun la nova platta da cuschinar.
RTR, Anna Caprez
10 / 16
Legenda:
La tegia renovada è restada stgira.
RTR, Anna Caprez
11 / 16
Legenda:
Peter Meuli, il mainaproject da la Chava da Plattas da Fex.
RTR, Anna Caprez
12 / 16
Legenda:
Il crap prezius cuntegna ina pluna fier, perquai sa mida la colur dal crap er adina puspè.
RTR, Anna Caprez
13 / 16
Legenda:
Tipic lieu cun plattas da Fex.
RTR, Anna Caprez
14 / 16
Legenda:
Dumeng Giovanoli declera la fascinaziun da las plattas da Fex.
RTR, Anna Caprez
15 / 16
Legenda:
Ils dus giasts da la Val Malenco vegnan transportads fin si tar la chamona.
RTR, Anna Caprez
16 / 16
Legenda:
La senda è stipa fin si tar la Chava da Plattas da Fex, si Muott'Ota.
RTR, Anna Caprez
Aut sur l’Hotel Fex, vid la spunda da Muott’Ota sin territori da Segl è la chamona da crappa che regorda puspè a sia funcziun oriunda. Dapi il 17avel tschientaner e fin la fin dals onns 40 vegniva anc producì plattas da Fex. Las plattas da crap d’ina grossezza da 1,5 fin 3 cm èn anc oz enconuschentas e da vesair sin tetgs e funs.
audio
Bunura: Emprima etappa da la restauraziun da la chava en Val Fex
03:23 min, ord Actualitad dals 17.10.2017.
laschar ir. Durada: 3 minutas 23 Secundas.
Dira lavur per ils «giovellai»
Per gronda part vegnivan lavurers da la Val Malenco – ils «giovellai» enviern per enviern entasum la Val Fex a sfender las plattas preziusas. Quai sut circumstanzas fitg difficilas. Il crap per las plattas da Fex – in crap cun bler fier – sa lascha numnadamain be sfender, cura ch’el è schelà. Perquai avevan ils lavurers da transportar ils crappuns or d’in tunnel chavà mintg’onn aposta, or en il liber. E laschar schelar ils craps durant plirs dis.
audio
La lavur da chavar plattas è pretenziusa
00:14 min, ord Novitads dals 16.10.2017.
laschar ir. Durada: 14 Secundas.
«Bait da rat»
Francesco Ganzoppo e Vino Vedovatti alias «Zinzerla» da la Val Malenco, els han passa 80 onns, sa regordan anc bain da lur envierns fraids en l’Engiadina. L’alloschi da fin 14 persunas en la pitschna tegia da be paucs meters sumegliava bunamain ad ina fora da ratuns, in «Bait da rat», uschè in anteriur lavurer da la Val Malenco.
Mantegnair in stgazi cultural
Cun l’emprima etappa dal project da la Fundaziun «Cheva Plattas da Fex» vuless ins mantegnair in stgazi e pudair mussar la lavur intensiva dal gudagnar las plattas preziusas er a giasts ed indigens.