Questa cunvegna è tenor la communicaziun vegnida iniziada da la famiglia d’interprendiders Niarchos, possessurs principals da las pendicularas Piz Nair e Corvatsch. Nov daventa ord l’interpresa Piz Nair SA l’interpresa Diavolezza Lagalb SA, ina societad affiliada da la Corvatsch SA.
Nus vulain pussibilitar ina cuntinuaziun da la pendiculara Lagalb, quai è dentant mo pussaivel sch’ins gestiunescha quella ensemen cun la pendiculara Diavolezza.
Uschia vegnian stgaffidas interpresas bain posiziunadas, che duain surpigliar ensemen la responsabladad per l’offerta turistica en l‘Engiadin’Ota, scrivan las pendicularas en ina communicaziun cuminaivla.
L’acquisiziun dals indrizs dal Piz Nair correspunda a nossa strategia. Quella ans pussibilitescha da meglierar l’entira regiun da skis Corviglia Piz Nair.
Las plazzas da lavur existentas duain vegnir mantegnidas. Davart las cundiziuns detagliadas da la transacziun vulan las partidas tegnair discreziun. La stagiun d'enviern 2016/17 cumenza sin la Diavolezza ils 22 d'october, sin la Lagalb ils 23 da december 2016.
Pendiculara Lagalb salvada definitivamain
Cun quai è la cuntinuaziun da la pendiculara Lagalb segirada. Tenor ils novs possessurs duain era ils iniziants da la Pro Lagalb vegnir integrads en il nov concept d’interpresa da la Diavolezza Lagalb SA.
Ensemen cun la Diavolezza è bler dapli pussaivel, co far insatge sulet. Nus essan cuntents...
RR novitads 15:00