-
Bild 1 von 5Legenda: «Gonda» era ina fracziun da Lavin. RTR, G. Luzzi -
Bild 2 von 5Legenda: Las terrassas tranter il vitg da Lavin e Guarda en direcziun da Guarda. RTR, G. Luzzi
-
Bild 3 von 5Legenda: Ils participants da l’excursiun tranter Lavin e Gonda. RTR, G. Luzzi
-
Bild 4 von 5Legenda: Las restanzas da la chapella da Gonda. RTR, G. Luzzi
-
Bild 5 von 5Legenda: Ils participants taidlan a Thomas Reitmeier, il manader dal servetsch archeologic dal Grischun (cun la chamischa blaua). RTR, G. Luzzi
Temas sco l’istorgia, las consequenzas e las influenzas da l’agricultura, la botanica ed era la cultivaziun intensiva ed extensiva èn stads ils temas da l'excursiun davent da Lavin fin tar las ruinas da Gonda. Radund 50 participantas e participants èn stads da la partida.
Il vitg Gonda
Punct culminant da quest’excursiun è segir stada l’istorgia dal vitg «Gonda», in vitg che n’exista schon pli che 400 onns betg pli. Dal 12avel tschientaner dateschan las emprimas indicaziuns. Oravant tut purs vivevan en quest vitg cun radund 30 chasas, uschia l’istorgia. Sulettamain otg chasas e las miraglias da la baselgia èn anc visiblas. Enturn il 1620 è quest vitg vegnì abandunà causa ina guerra.
Suenter radund duas uras èn ils participants puspè returnads a Lavin cun in satg plain savair sur da l’agricultura, la botanica e temps gia ditg passads.
RR actualitad 08:00