Il nov president communal da San Murezzan è entant dapi stgars trais mais en uffizi. Udì e legì da l'artist e directur dal Festival da Jazz han ins dapi là gia pliras giadas:
- Scursanì sia paja per 34'000 francs, sin 196'000 francs.
- Reducì ses pensum sco president communal sin 90%.
- Grond'attenziun mediala tras nozzettas da l'India.
- Engaschament persunal per puspè realisar in kino.
A reguard il kino haja entant dà in'unic recurs encunter il project e quai l'ultim di pussaivel. La vischnanca s'occupia uss cun quel recurrent.
Nagins problems cun discharmonias
Ed era sche Christian Jott Jenny ha adina puspè da sentir il cuntravent da las partidas fermas a San Murezzan (PLD, PCD e PPS), sa sentia el bain en sia nova funcziun. La finala saja el er bun d'improvisar – saja quai sin il palc artistic sco era sin il palc politic.
Clera visiun
A reguard l'elavuraziun da la strategia 2030 per la vischnanca vesa Christian Jott Jenny ina chaussa gia fitg clera. El na vegnia betg ad esser al timun da San Murezzan en 11 onns. Jenny fa ferm quint che las vischnancas da l'Engiadin'Ota hajan fin là fusiunà e vegnian manadas d'in CEO a moda economica.
RR actualitad 08:00