Las emprovas avant la represchentaziun èn perquai da grond’impurtanza per l’anteriur magister che è puspè turnà sin il palc suenter ina pausa da passa 13 onns.
Il «Cabaret Rotstift» aveva sa retratg en matg dal 2002 cumplettamain suenter che l’ensemble ha pudì giudair passa 50 onns da success.
Adina puspè elavurà
Per che Jürg Randegger fetscha part da «Rotstift reloaded» ha il scriptur dal toc Christian Jott Jenny duvrà trais onns lavur da persvasiun.
La tema ch’i dat in recycling dal «Cabaret Rotstift» è stada fitg gronda
Finalmain sajan las emprimas ideas da Jenny stadas persvadentas. Entant ha l’ensemble gia mussà passa 40 represchentaziuns.
Inauguraziun d’ina rundella
Durant 90 minutas insceneschan Christian Jott Jenny, Andreas Matti e Jürg Randegger in’emprova per inaugurar ina rundella en onur dal «Cabaret Rotstift» entamez la citad da Schlieren.
Accumpagnads dals quatter musicists datti in mix da chant, dialogs cun paiver e poesias recitadas. Jürg Randegger gioga a sasez ed è giast d’onur tar la festa per il nov obstachel.
-
Bild 1 von 7Legenda: Il ensemble da Rotstift reloaded. mad
-
Bild 2 von 7Legenda: Il Cabaret Rotstift cun Werner von Aesch, Heinz Lüthi e Jürg Randegger. mad
-
Bild 3 von 7Legenda: Jürg Randegger è durant Rotstift reloaded era vid la battaria. mad
-
Bild 4 von 7Legenda: Andreas Matti e Christian Jott Jenny durant in'emprova per Rotstift reloaded. mad
-
Bild 5 von 7Legenda: Mintga scena ha dad esser perfecta per Jürg Randegger. RTR, A. Caprez
-
Bild 6 von 7Legenda: Jürg Randegger en acziun. RTR, A. Caprez
-
Bild 7 von 7Legenda: Christian Jott Jenny, Jürg Randegger ed Andreas Matti durant Rotstift reloaded. mad