L’Uffizi chantunal d’agricultura e geoinfurmaziun ha evaluà differentas variantas per in local da maz. In local da maz regiunal e central, in local mobil u era manar las bestgas ord la val. Sco la varianta la pli realistica vesa il chantun il sustegn finanzial a mazlarias decentralas, sco quella planisada da Reto Zanetti a Ramosch (Valsot).
Il temp da recurs pel fabricat dal nov local da maz cun mazlaria a Ramosch è passà. Nagins recurs èn vegnids inoltrads.
Che di la concurrenza?
Il local da maz surmenziunà avess capacitad era per ulteriurs mazlers da la regiun. Per Ludwig Hatecke da Scuol n'è quai actualmain nagina opziun. El prevesa era en l'avegnir da mazzar sez en in agen local da maz.
RR Telesguard 17:40