Las Ouvras electricas d’Engiadina interpreteschan differents puncts tuttafatg auter che la Corporaziun dals cumüns concessiunaris. Nua che la corporaziun discurra d’energia supplementara discurra la OEE d’energia da rest, nua ch’els discurran da marschas, discurra la OEE da raps da transport – piculezzas che han però consequenzas.
Il capo da Valsot e represchentant per las vischnancas pertutgadas, Victor Peer, pretenda perquai ina discussiun a la maisa radunda. Per il president dal cussegl administrativ da la OEE Martin Schmid è ina buna collavuraziun tranter la OEE e las vischnancas da grond’impurtanza. El è persvadì da chattar soluziuns che resguardan ils basegns d’omadus.
La 62avla radunanza generala e vegnida manada tras a Sent senza auters incaps. Uschia han ils preschents approvà il gudogn da 1,8 milliuns francs, dà distgargia als organs responsabels ed era consentì diversas adattaziuns dals statuts da las OEE.
RR novitads 14:00