Trais pussaivladads datti per la Biosfera Val Müstair:
- Proseguir sco fin qua,
- finir giu ils projects existents
- u il scenari il pli mal – da far ina fin cun la Biosfera.
Uss piglia ina firma spezialisada per mauns il tema. Ella prevesa da far intervistas cun radund 40 persunas da differents gremis e da differentas posiziuns. La finamira è da chattar las raschuns per la problematica da las diversas desditgas dals directurs, ma era d'eruir, sche la populaziun da la Val Müstair stat insumma davos il label «Biosfera». Il president da vischnanca Rico Lamprecht è plain speranza, ch'i dettia anc in avegnir per la Biosfera.
Dacurt ha la populaziun da la Val Müstair decis da sustegnair il project la Sassa. Per il mainaproject da «La Sassa» tar la firma Domenig Architects SA Cuira, fiss in naufragi nausch per il marketing, ma els prevesan independentamain da proseguir cun il project.
RR actualitad 17:00