Ina giada in zichel in’autra vista sin il Parc Naziunal Svizzer. Co è il parc creschì durant ils decennis? Tge plantas creschan nua? Tge animals datti e nua vivan els? Quant grond è il sustegn da la populaziun indigena per il parc? Las respostas pon dar tranter auter las differentas cartas.
Dapi ch’ils piuniers dal Parc Naziunal Svizzer han prendì a fit la Val Cluozza il 1909 da la vischnanca da Zernez, per far ordlonder in reservat da natira, è la surfatscha dal parc creschida cuntinuadamain. Dad ina surfatscha da 21,7 km² il 1909 è il Parc Naziunal creschì durant ils onns cuntinuadamain sin oz bun 170 km².
