Dapli da l'emna da brass:
Per l’instrucziun dals 85 participants èn 18 docents enconuschents da la scena da brass da tut l’Europa responsabels. Sper l’instrucziun en gruppas datti er lecziuns per mintga singul. Ils stils da musica che vegnan prendids tras, van da la musica classica sur jazz fin tar l'art d'improvisar.
Program accumpagnant cun differents concerts
Sper il curs da maister che ha lieu mintga di, datti er mintga di divers concerts. Sunads vegnan ils concerts per gronda part er dals docents e per part er ensemen cun ils participants. Il punct culminant è gievgia saira, ils 6 da fanadur cun il concert da la brass band naziunala da giuvenils sin plazza da la vischnanca.
RR actualitad 07:00