L'onn passà ha il chantun schubregià ils emprims 60 meters gist suenter il mir da fermada. Cura ch'il flum vegn puspè ad esser dal tut net, n'è betg cler. Il chantun saja vi da sclerir sche e co il flum duess vegnir schubregià. Sco Remo Fehr, manader da l'Uffizi per la natira e l'ambient ha ditg al schurnal regiunal da SRF, spera el, ch'i dettia anc quest onn ina decisiun.
Cunquai ch'il Spöl sa chatta en il Parc Naziunal, è quel er pertutgà d'ina sanaziun. Perquai han ils responsabels dal Parc Naziunal sclerì, tge ch'els pon far, sch'els n'avessan betg dad esser cuntents cun la proposta dal chantun per sanar il flum. La finamira dal PNS è, ch'il Spöl daventa puspè uschè net sco avant la contaminaziun cun il tissi PCB.
RR novitads 12:00