Evitar l'emigraziun da las generaziuns giuvnas. La Regiun Engiadina Bassa Val Müstair duai uschia daventar pli attractiva. Perquai vulan las vischnancas Müstair, Zernez, Scuol, Valsot e Samignun analisar tge purschidas ed attracziuns per ils pli pitschens enfin las giuvnas e giuvens ord scola ch'i dat. Plinavant prevesan ins era dad analisar las purschidas per famiglias.
audio
In concept regiunal per la generaziun giuvna
ord Actualitad dals 01.07.2024.
Maletg: RTR
laschar ir. Durada: 3 minutas 15 Secundas.
Questa stad duai avair lieu en mintga vischnanca ina maisa radunda nua che tut las persunas pertutgadas vegnan envidadas. La finamira saja, tenor la sviluppadra regiunala Martina Schlapbach, dad analisar ils basegns da mintga vitg e quels vegnan ad esser individuals. Il concept regiunal final duess esser sin maisa dal 2026.