Ils iniziants han inoltrà tar las vischnancas da Scuol e Valsot ina dumonda da princip per realisar ina punt che collia la fracziun da Vnà davart sanestra da la val Sinestra cun la via champestra che maina fin tar l’hotel Val Sinestra.
Mario Riatsch ed Otto Barblan en ils iniziants. Questa punt duess esser transibla oravant tut per peduns, ma tut tenor ins pudess era dar la pussaivladad a velocipedists da passar. La val Sinestra e fitg bain frequentada turisticamain, quest fiss in monument turistic che attira a bleras e blers, tenor Mario Riatsch.
Sustegn da Toni el Suizo
Toni Rüttimann o Toni el Suizo co che el vegn numnà, ha fabritgà passa 900 punts pendentas en l'Asia ed era en l’America dal Sid. Sias punts han però ina funcziun umanitara. Con colliar vals e surmuntar flums pussibilitescha el a millis da persunas ina meglra colliaziun per viver. El ha fatg ina visita in Engiadina ed inscuntrà a Mario Riatsch per discutar sur da pussaivladads tecnicas per realisar ina punt da questa lunghezza.
Per realisar ina punt da questa dimensiun prevesan ils iniziants cun custs da maximalmain 3 milliuns francs. Sco proxim ha lieu in inscunter cun las vischnancas da Scuol e Valsot per discutar da princip la realisabilitad da la punt pendenta.
