La fin dal 2015 aveva ina gruppa inoltrà ina petiziun cun la pretaisa da far in center per giuventetgna. Sinquai ha il cussegl communala decis d'instradar in gruppa da lavur. Quella ha ussa suenter 9 mais da lavur preschentà in document cun infurmaziuns per eventuals investiders.
Avert per tut las ideas
Sco quai che Christian Fanzun il capo communal da Scuol ha ditg envers RTR, sajan els avert per tut las ideas.
I na stoppia betg restar in implant da sport cun in'ustaria, ma i possia. La dumonda d'in nov hotel sin quest areal n'è anc betg giud maisa. Ussa vegn il document publitgà e preschentà e fin la fin dal 2017 vegn spetgà ideas e projects. Per cas ch'i na dat nagins investiders, sto la vischnanca anc ina giada ir sur ils cudeschs.
RR actualitad 08:00