L'exposiziun en la Chesa Planta a Samedan mussa gravuras finas, stampadas be en paucs exemplars da cudeschs, fatgs pel pli per amis scripturs. Era plattas per far las gravuras èn exponidas. Tenor il curatur Chasper Pult vegn l'exposiziun a purtar surpresas perfin per enconuschiders da l'ovra dad Alberto Giacometti. La basa da l'exposiziun è la collecziun da Carlos Gross che ha endrizzà a Sent in museum cun las lavurs graficas dad Alberto Giacometti.
L'exposiziun cul titel "Les livres d'art de Alberto Giacometti" cumenza ils 20.7.2016 e dura enfin ils 21 october.