Il favrer avant in onn era la maschina rutta tras il glatsch dal lai ed il manischunz era najà. Per l'accident na possia nagin vegnir fatg responsabel - uschia ha decis la procura publica.
Las inquisiziuns e las expertisas da la Scola politecnica federala da Turitg (ETH) e da la gruppa da lavur per la mecanica d'accidents han mussà che la maschina è rutta tras il glatsch entras ina flaivlezza locala ed a curta vista. Quest effect saja perfid e strusch previsibel.
Perquai na possia ins betg renfatschar ad insatgi in secuntegnair penal relevant. Quai ha communitgà la procura publica grischuna.
RR novitads 11:00