Igl e la penultim'etappa da las lavurs vid la nova pendiculara Albigna en Val Bregaglia. Ed igl è quella che pretenda bler dals lavurers e da la tecnica. Per montar las quatter sugas purtantas da la pendiculara dovri numnadamain in sistem ch'è unic ed anc mai vegnì duvrà en Svizra.
I sa tracta da maschinas spezialas per trair e franar las sugas che paisan mintgina 22 tonnas. Senz'il sistem en la staziun a val a Pranzaira crudass la suga en la bostga e crappa. La differenza d'autezza tranter la staziun a val a quella da muntogna è numnadamain fitg gronda cun 900 meters.
En tut ha la pendiculara da las ovras electricas da Turitg EWZ ina lunghezza da 2,4 kilometers.
audio
Saira: La nova pendiculara Albigna penda prest
03:33 min, ord Actualitad dals 27.05.2016.
laschar ir. Durada: 3 minutas 33 Secundas.
Las sugas en detagl
mintgina paisa 22 tonnas,
è 2'700 meters lunga
ed ha in diameter da 4 centimeters
Per montar ina suletta suga dovri 3 uras e tut en tut dovra la firma spezialisada Garaventa ensemen cun ils lavurers da las ovras electricas da Turitg EWZ 3 emnas per montar las 4 sugas.
Gronda lavur è fatga
Suenter che las sugas èn montadas a fin vai en la fasa finala ed uschia en la davos'etappa da lavur avant l'avertura da la nova pendiculara. Las installaziuns tecnicas stoppian lura anc vegnir fatgas, ed er lavurs pitschnas sco far urden èsi da far.
Avertura mez fanadur
La pendiculara che ha custà 15 milliuns francs stat puspè a disposiziun per transports da material e persunas a partir da mez fanadur. La premissa è ch'èr la davos'etappa va sco planisada.
1 / 15
Legenda:
En 2 onns han las ovras electircas da Turitg bajegià la nova pendiculara Albigna per 15 milliuns francs.
RTR, V. Rominger
2 / 15
Legenda:
Cun las lavurs vid la staziun a val èn ins tenor Andres Fasciati, mainagestiun EWZ Bregaglia, in zic enavos.
RTR, V. Rominger
3 / 15
Legenda:
Il tetg manca per exempel anc.
RTR, V. Rominger
4 / 15
Legenda:
Entant èn ins vi da montar las sugas purtantas. 3 da 4 pendan.
RTR, V. Rominger
5 / 15
Legenda:
Per questa lavur dovri maschinas spezialas.
RTR, V. Rominger
6 / 15
Legenda:
Quai per evitar che las sugas restian pendidas en la bostga.
RTR, V. Rominger
7 / 15
Legenda:
I dovra 4 persunas tar la staziun a val per controllar e coordinar il trair da la suga.
RTR, V. Rominger
8 / 15
Legenda:
Tendidas vegnan ellas pir a la fin.
RTR, V. Rominger
9 / 15
Legenda:
L'autezza tranter la staziun a val e l'emprima pitga è spectaculara.
RTR, V. Rominger
10 / 15
Legenda:
La nova pendiculara Albigna ha mo pli 3 pitgas, avant eran quai 5.
RTR, V. Rominger
11 / 15
Legenda:
La staziun da muntogna sin 2'101 meters sur mar - era ella è nova.
RTR, V. Rominger
12 / 15
Legenda:
Ella sa chatta gist sut il mir da fermada Albigna.
RTR, V. Rominger
13 / 15
Legenda:
Durant tut l'onn han adina 5 fin 6 lavurers da l'EWZ passentà tut l'emna si qua per lavurar.
RTR, V. Rominger
14 / 15
Legenda:
Vista da la staziun da muntogna «Sac Primavera» en Val Bregaglia.
RTR, V. Rominger
15 / 15
Legenda:
Plaz da lavur al sulegl, ma era durant l'enviern èsi vegnì lavurà.
RTR, V. Rominger