Dapi 30 onns exista la gruppa da teater Scuol. Cun in di da las culissas avertas duai pitschen e grond vegnir animà d’ina giada sez giugar ina rolla en in teater.
1 / 3
Legenda:
Ils dus acturs Anna Mathis e Christian Hänny en acziun, ensemen cun uffants.
RTR, Georg Luzzi
2 / 3
Legenda:
Jachen Puorger instruescha als pitschens sco dissegnar las culissas per in teater.
RTR, Georg Luzzi
3 / 3
Legenda:
Anna Mathis e Christain Hänna giugan il teater «Il pitschen di».
RTR, Georg Luzzi
audio
Bunura: 30 onns gruppa da teater Scuol
02:28 min, ord Actualitad dals 14.11.2016.
laschar ir. Durada: 2 minutas 28 Secundas.
La purschida d’activitads da temp liber è vasta: Duess ins sunar en ina musica, u forsa giugar ballape u hockey sin glatsch?
La situaziun è tar bunamain tuttas societads la medema: Ellas cumbattan per avair avunda commembers. Er la gruppa da teater a Scuol n’è nagina excepziun.
Di da las culissas avertas
Per animar pitschen e grond da sa participar a la gruppa da teater, ha ella organisà ina stiva da café, in local per dissegnar culissas sco era la preschentaziun d’in curt toc da teater umoristic.
Ina massa uffants e creschids han laschà fascinar dal teater e forsa ch’in u l’auter daventa ina giada sez in actur.