A S-chanf hai dà il venderdi suentermezdi in accident mortal. Tenor la Polizia chantunala era in pur vid stgargiar ballas da fain cun in tractor. Per motivs anc nunenconuschents saja ina da las ballas, cun ina paisa da radund 430 kilos sa messa en moviment. E la finala saja ella crudada giu sin l'um da 72 onns che manava il tractor.
In medi d'urgenza da la Rega ha mo pli pudì constatar la mort dal pur. Per gidar las persunas pertutgadas da l’accident mortal, è la squadra chantunala da sustegn stada en acziun.