Sin 105 dals passa 250 kilometers pussibels èn las loipas entant preparadas en Engiadin’Ota. In fatg che saja d’engraziar dad ina vart a l’engaschi da las vischnancas che han producì naiv cun chanuns, da l’autra er grazia a l’autezza da la val e las temperaturas pli fraidas la notg.
Nus essan fitg cuntents da pudair porscher a noss giasts passa 100 km loipas preparadas. Surtut vesend che la situaziun en autras regiuns en Svizra è bler pli precara.
Quitads per las cursas da passlung, sco La Diagonela u er il Maraton da skis engiadinaisa, na hajan ils organisaturs per il mument betg. La speranza ch’i dettia bainbaud naiv e temperaturas pli fraidas saja dentant fitg gronda.
La situaziun actuala da las loipas chattais Vus qua .
