Regularmain organisescha la Lia Rumantsch il café rumantsch, nua ch'indigens ed indigenas han la pussaivladad da s’inscuntrar, tadlar referats ed autras occurrenzas. Uss la stad schlargia il café ses orizont.
Café rumantsch extra muros
Per pussibilitar in inscunter tranter quels che fan il curs da vallader ed ils participants e las participantas dal café rumantsch, han ils organisaturs spustà il café rumantsch en las localitads da la scola a Scuol nua ch'il curs vallader ha lieu.
Per omaduas varts porta l’inscunter schanzas sco era sfidas. Ils indigens e las indigenas ston numnadamain star attents da betg midar sin tudestg per simplifitgar la communicaziun. Percunter ston ils participants e las participantas dal curs sa sfadiar da chattar ils pleds.
Il curs rumantsch a Scuol noda quest onn in record da participants e participantas, radund 150 persunas vulan emprender il vallader.
