Il film documentar sur Adam Quadroni, «Der Preis der Aufrichtigkeit», daventa in cas per la dretgira. Orlando Zegg, il president da la dretgira regiunala Engiadina Bassa/Val Müstair, ha inoltrà ina denunzia penala pervi da pretensiuns dal film. Quella sa drizza cunter l’advocat dal whistleblower Quadroni.
El saja massivamain vegnì violà en sia onur sco persuna publica e privata, ha ditg Zegg en in’intervista cun la «Südostschweiz». En il film vegnia el descrit sco corrupt e partischant. Da princip sajan tut las renfatschas da l’advocat en il film faussas.
Ordavant aveva gia Not Carl inoltrà in recurs concernent il program. Tenor Carl haja il film malduvrà massivamain il princip d’objectivitad.
RTR novitads 06:00
