Bus enstagl tren - Traject tranter Zernez e Zuoz vegn interrut per in mais
Dals 8 d'avrigl fin ils 12 da matg vegn il traject da tren tranter Zernez e Zuoz interrut. Il motiv è ina renovaziun dal tunnel Brail II. Il medem mument vegn la staziun Cinuos-chel-Brail renovà a fin.
A partir da proxim glindesdi resta il trafic da viafier tranter Zernez e Zuoz pia interrut per passa in mais. Tranter Zernez e Zuoz curseschan bus enstagl dals trens.
Legenda:
Il tunnel da Brail II ha ina lunghezza da passa 300 meters. Durant la renovaziun vegnan tranter auter installadas lingias da drenascha ed il vial vegn remplazzà.
Viafier Retica
Durant la serrada dal traject vegn er la staziun da Cinuos-chel-Brail renovada a fin. Gia dapi la stad passada èn ins vidlonder. La staziun survegn in perrun da 150 meters, adattà tenor ils basegns da persunas cun impediments. Il matg duai la staziun esser pronta.