Per il traffic han ins endrizzà in sviament sur Ardez – Ftan – Scuol. Damai che la via sur Ardez enfin Ftan è stretga, po il traffic mintgamai be passar en ina direcziun. Perquai èsi da quintar cun colonnas. Sco che Jachen Kienz, schef dal district da l'Uffizi da construcziun bassa, ha ditg envers RTR, resta quella situaziun fin suenter Bumaun uschia.
Camiuns sur 18 tonnas na pon betg duvrar il sviament via Ardez e Ftan a Scuol. Quels ston charrar via Zernez en Val Müstair e vinavant sur il pass dal Reschen.
Radund 500 meters cubic
Glindesdi suentermezdi è ina bova da radund 500 meters cubic vegnida giu gist en vischinanza da l'hotel Scuol Palace. Immediat han ins serrà la via principala.
-
Bild 1 von 4Legenda: D'ina tscherta distanza vesan ins meglier nua che la bova è sa distatgada. RTR, Georg Luzzi -
Bild 2 von 4Legenda: La via è serrada cun saivs ed i dat in sviament sur in'autra via. RTR, Georg Luzzi
-
Bild 3 von 4Legenda: In di suenter che la bova è vegnida giu en via è tut cuvert cun naiv. RTR, Georg Luzzi
-
Bild 4 von 4Legenda: La bova en vischinanza da l'hotel Scuol Palace. RTR, Armon Schlegel
RTR novitads 12:00