L'enviern hajan ins stuì spetgar per far las examinaziuns geologicas, lura hajan ins stuì sa decider per la meglra varianta per segirar la via principala tras l’Engiadina – e quai dovria temp, declera il manader projects e construcziun dal district 4, Rafael da Silva.
Il resultat da las examinaziuns
Il spelm ha grondas sfessas ed en quellas sfessas è entrada bler'aua. Avant che cumenzar cun las lavurs da segirezza han ins perquai stuì spetgar ed observar, sche quell’aua chaschuna ch'anc dapli material croda sin via ubain sche quella aua ha la pussaivladad da cular davent.
Encletga per ils automobilists
Per evaluar a fund la situaziun e chattar il gist project per evitar ulteriurs donns dovria in tschert temp, di Rafael da Silva. La segirezza saja fitg impurtanta e sch'i capitia insatge sajan las consequenzas anc pli grondas.
-
Bild 1 von 3Legenda: La bova avant la vischnanca da Scuol, segirada cun in giatter special RTR, Georg Luzzi -
Bild 2 von 3Legenda: Situaziun privlusa sisum la bova crudada in december 2019 RTR, Georg Luzzi
-
Bild 3 von 3Legenda: La mesadad da la via vegn duvrada sco spazi per la crappa che cruda giu da la costa RTR, Georg Luzzi
Custs ed avertura
Las lavurs cumenzan anc quest mais e duran dus mais. Il project vegn a custar radund in mez milliun. L’avertura è previsa per la fin da november u l’entschatta da december 2020.