Tina Raffainer dad Ardez sa regorda da mintga Babania ad Ardez. Ella sezza è adina s’engaschada fermamain per che tut funcziunia. Perfin studegià coreografias e mussà quellas a las giuvnas e giuvens ha ella.
Ma la pandemia da corona na lascha betg tiers la Babania. Ils giuvens en frac e cilinder vegnivan mintg’onn tar ella en stiva chauda a baiver il vinars avant sco dar il maun a la giuvna en il bel costum engiadinais, per lura ir a ballar.
Tina Raffainer ha gronda speranza che questa tradiziun vegn a restar era enavant. Ils ultims onns èsi stà difficil dad organisar l'eveniment per la giuventetgna – adina dapli giuvens vivan utrò. Tuttina èsi gartegià enfin il di dad oz da realisar mintga onn questa bella tradiziun – e quella duess restar era en avegnir.
Ord l'archiv: