Las mesiras da segirezza èn bainbaud terminadas a Pradella. La vischnanca, il chantun e la Confederaziun han investì radund 4 milliuns – la gronda part en in rampar che chanalisescha il pitschen aualet Triazza.
Era sche quest rampar n'è betg gist ina perla per il egl, è la gronda part da la populaziun da Pradella cuntenta cun las mesiras ch'ils responsabels da Scuol han prì. Quai demussa ina visita spontana dad RTR tar la populaziun nov onns suenter la catastrofa.
Pliras persunas raquintan ch'i hajan – malgrà la segirtad actuala – anc adina in nausch sentiment la notg durant stemprads. Quai sajan regurdanzas che restan, raquintan Carla Wetzel e Brigitta Prenner ch'eran la saira dals 22 da fanadur a Pradella.
Or da l'archiv:
Durant las malauras dals 22 da fanadur 2015 a Pradella n'hai dà naginas persunas mortas u blessadas, be donns da material.
