Il 1980 ha gì lieu l’emprima cursa da stad, il «Engadiner Sommerlauf». Martin Schäfli è gia quella giada stà a la partenza. Il curridur passiunà è creschì si a Puntraschigna e viva dapi passa 20 onns ad Interlaken. Tenor el eran quella giada la gronda part dals var 700 participants passlunghists. Quels hajan vulì dumagnar e giudair il traject ch'els hajan fatg l'enviern.
Giudair la natira ed esser a chasa
Il pli bel vi da questa cursa saja il traject che passa sper ils lais e tras ils guauds. La cursa tras l’Engiadina è per Martin Schäfli er in vegnir a chasa. Er sch’el abitescha gia divers onns ad Interlaken sa sentia el anc adina da chasa en l’Engiadina.
Sin buna via vers in record
Per la 40avla ediziun da la cursa da stad ch'è ils 18 d’avust èn s'annunziads passa 2000 participantas e participants. Tenor il comité d'organisaziun sajan ins sin buna via da cuntanscher in record d'annunzias.
RR actualitad 11:00