Engiadina - 2. etappa da revitalisaziun da l’En tranter Bever e La Punt

L'emprima etappa da revitalisaziun da las zonas umidas dal En a Bever è vegnida realisada ils onns 2012 enfin 2014. Quai è stà in project da protecziun cunter aua gronda sin il traject tranter la sbuccada dal Beverin e la pund d'Isellas.

Maletg 1 / 4

Legenda: L'emprima badigliada per la segunda etappa: Susanne Haertel-Borer, Uffizi federal d'ambient, Remo Fehr, manader da l'Uffizi per natira ed ambient, Fadri Guidon, president da la vischnanca Bever. RTR, Anna Caprez

Maletg 2 / 4

Legenda: La segund'etappa dal project da revitalisaziun. mad

Maletg 3 / 4

Legenda: L’En avant las mesiras da correcziun (charta Dufour da 1858). mad

Maletg 4 / 4

Legenda: Projects da revitalisaziun a l’En da l’Engiadin’Ota. mad

audio

Saira: 2. Etappa da la revitalisaziun da l'En a Bever

03:04 min, ord Actualitad dals 09.06.2017.

laschar ir. Durada: 3 minutas 4 Secundas.

La segunda etappa

Cun la segunda etappa duai in traject dad 1,7 kilometers da l'En chanalisà vegnir schlargià ad ina ladezza da radund 90 meters. Per quest intent vegn spazzà il rempar da la riva dretga e spustà per radund 70 meters. Il curs d'aua survign uschia dapli dinamica. Quai promova il svilup da biotops multifars ed ecologicamain prezius en las zonas umidas.

Segirar las auas internas existentas

Plinavant vegn segirà sin in traject da 20 enfin 90 meters il sistem existent d'auas internas. Ultra da funcziuns ecologicas preziusas regulescha quest sistem er ils currents da l'aua sutterana. Uschia impedescha quai ch'il terren vgenia saturà nungiavischadamain cun aua.

Malgrà questa mesira duain ils sistems ecologcs ch'èn resultads tras la construcziun dal chanal da pli baud, vegnir mantegnidas uschè bain sco pussaivel.

RR novitads 17:00