La Regenza ha approvà la revisiun parziala da la planisaziun locala a Zezras. La populaziun da Zezras aveva gia ils 13 da favrer 2022 approvà la midada a l'urna. Uschia vegnan stgaffidas las basas da la planisaziun d'utilisaziun per ina surbajegiada d'auta qualitad en il quartier «Stiftbungert».
Cun la revisiun parziala vegnan creadas las premissas per in territori da svilup attractiv sin ina parcella da var 8'800 meters quadrat. Quella duai er resguardar la situaziun sensibla da l'architectura locala, scriva la regenza vinavant. Per quest intent vegn ina zona d'abitar transfurmada en ina zona specifica dal center «Stiftbungert».
